Өгий нуурын ус руу орсон иргэдийн бие дээр тууралт гарчээ

Наадмын амралтын өдрүүдэд Улаанбаатар хотоос орон нутаг руу зорчих иргэдийн зарим хэсэг Архангай аймагт очдог. Тэр дундаа нийслэлээс алсгүй байрлах Өгий нуурыг жил бүхэн цөөнгүй аялагч зорьдог. Тэгвэл өнгөрөгч наадмын өдрүүдэд Өгий нуурыг зорьж, нуурын ус руу орсон иргэдийн бие дээр тууралт гарчээ. Бие дээр нь тууралт гарсан иргэд энэ талаар цахим сүлжээнд бичиж, илэрхийлжээ.

 Иргэн П энэ талаар "Өгий нууранд сэлж байгаад гарч иртэл тэсэхийг аргагүй бие загатнаад, жижигхэн юм туурсан. Цэвэр усаар биеэ зайлаад, харшлын эм, тос түрхсэн. Тухайн үедээ бага зэрэг намдсан ч удалгүй дахиад л гарч эхэлсэн. Хамт усанд орсон хүмүүсийнх дээр ч тууралт гарсан" гэжээ.