Энэ жилийн баяр наадамд улсын цолтой 98 бөх барилдахаар бүртгүүлжээ

Тулгар төрийн 2233, Их Монгол Улсын 818, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ой, Ардчилсан хувьсгалын 34 жилийн ойн үндэсний их баяр наадам тохиож байна. Энэ жилийн баяр наадмаар ир бяр нь ханасан бөхчүүд цол нэмнэ, цолоо батална, цолоо ахиулна гэсэн бодолтой байгаа биздээ. Өнөө жилийн баяр наадамд 512 бөх барилдах бөгөөд улсын цолтой 98 бөх бүртгүүлжээ. Мөн аймаг цэргийн цолтой 261, сумын цолтон 112, залуу бөх 41 бүртгүүлжээ. Бөхийн барилдаан өнөөдөр 12.00 цагаас эхэлнэ.