Ерөнхийлөгчийн Тамгын газрын дарга Г.Занданшатар ажилдаа оржээ

МАН-ын Удирдах зөвлөл өчигдөр үдээс хойш хуралдаж Ерөнхийлөгчийн Тамгын газрын дарга Я.Содбаатарыг МАН-ын ерөнхий нарийн бичгийн даргын үүрэг гүйцэтгэгчээр томилсон. Ингэхдээ УИХ-ын дарга асан Г.Занданшатарыг Ерөнхийлөгчийн Тамгын газрын даргаар ажиллуулахаар болсон юм. Ерөнхийлөгч У.Хүрэлсүх Тамгын газрын даргаа томилж, ажилд нь оруулжээ.

Ерөнхийлөгчийн Тамгын газрын дарга Г.Занданшатарын товч намтрыг танилцуулъя.

1977-1987 онд Баянхонгор аймгийн Өлзийт сумын дунд сургууль, нийслэлийн Ерөнхий боловсролын 77 дугаар дунд сургуульд суралцаж төгссөн.

1987-1992 онд ОХУ-ын Эрхүүгийн Улс ардын аж ахуйн дээд сургуульд суралцаж, Санхүү-эдийн засагч мэргэжил эзэмшсэн. АНУ, БНЭУ, БНСУ, Швед, Голланд зэрэг улсуудад банк, санхүү, бизнесийн удирдлагын чиглэлээр сургалт дүүргэсэн. Эдийн засгийн ухааны магистр.

1992-1995 онд Зах зээлийн коллеж буюу одоогийн Худалдаа, үйлдвэрлэлийн дээд сургуульд багш, судлаач,

1995-1998 онд Хөдөө аж ахуйн банкинд эдийн засагч, хэлтэс, газрын захирал,

1998-2000 онд Монголбанкны Сургалтын төвийн менежер, Хөдөө аж ахуйн банкинд Монголбанкны бүрэн эрхт төлөөлөгч,

2000-2003 онд Хаан банкны дэд захирал,

2003-2004 онд Хүнс, хөдөө аж ахуйн дэд сайд,

2004-2012 онд УИХ-ын гишүүн,

2009-2012 онд Гадаад харилцааны сайд,

2012-2013 онд МАН-ын ерөнхий нарийн бичгийн дарга,

2013-2015 онд АНУ-ын Стэнфордын их сургуулийн Хөгжил, ардчилал, хуулийн засаглалын хүрээлэнд судлаач,

2016-2024 онд УИХ-ын гишүүн,

2017-2019 онд ЗГХЭГ-ын дарга,

2019-2024 онд УИХ-ын дарга,

2024.07.02-ноос Ерөнхийлөгчийн Тамгын газрын даргаар ажиллаж байна.