Наадмын тасалбар өглөө 07:00 цагт зарагдаж эхлээд 15 минутад дуусжээ

Тулгар төрийн 2233 жил, Их Монгол Улсын 818 жил, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ой, Үндэсний их баяр наадмын тасалбар суудлаасаа хамаарч 80.000, 100.000, 150.000 төгрөгийн үнэтэй байна.

Тасалбарыг долоодугаар сарын 1-нээс www.enaadam.mn сайтаар борлуулж эхэлнэ гэж мэдээлсэн билээ. 1-ний өглөөний 08.00 цагт тус сайтад тасалбар авахаар нэвтэрсэн боловч бүх билет борлуулагдаж дууссан төлөвтэй байв.

Захиалга авах боломжтой суудал нь улаан, цэнхэр, ногоон, ягаан өнгөтай байх агаад бүх суудал саарал өнгөтэй байгаа нь нэг ч суудал үлдээгүй билет зарагдсан гэсэн төлөв юм.

Энэ талаар удахгүй НЗДТГ-аас тодруулан хүргэх болно.