Зургаадугаар сарын 24-нд зарим газраар, 25, 26-нд нутгийн хойд болон төв, Хангайн уулархаг нутгаар бороо, дуу цахилгаантай түр зуурын аадар бороо орно. Бусад хугацаанд бороо орохгүй. Салхи ихэнх хугацаанд секундэд 4-9 метр, 24-өөс 26-нд зарим газраар борооны өмнө түр зуур ширүүснэ.

Агаарын температур хангайн уулархаг нутгаар шөнөдөө +3...+8 градус, өдөртөө +20...+25 градус дулаан, нутгийн өмнөд болон говийн бүс нутгаар шөнөдөө +10...+15 градус, өдөртөө +25...+30 градус дулаан байна. Бусад нутгаар шөнөдөө +6...+11 градус, өдөртөө +23...+28 градус дулаан байна гэж Завхан аймгийн Ус цаг уур орчны шинжилгээний газраас мэдээлэв.Цаг агаарын аюултай үзэгдлээс урьдчилан сэргийлэхийг онцгойлон анхааруулж байна. Өнөөдөр /2024.06.20/ шөнө Завханы Цэцэн-Уул, Баянхайрхан, Сонгино, Түдэвтэй, Тэлмэн, Отгон, Нөмрөг, Идэр, Яруу, Цагаанчулуут сумын нутгаар хөрсөн дээр -5 градус ба түүнээс бага болж цочир хүйтэрнэ.