Тавантолгой-Гашуунсухайт чиглэлийн төмөр замаар зорчигч тээврийн үйл ажиллагааг эхлүүллээ

“Тавантолгой төмөр зам” ХХК болон “Эрдэнэс тавантолгой” ХК нар “Төмөр замаар зорчигч тээвэрлэх” хамтын ажиллагааны гэрээ байгуулан, Цогтцэций суманд байрлах Тавантолгой өртөөнөөс Ханбогд суманд байрлах Гашуунсухайт өртөөний чиглэлд ЭТТ ХК-ийн Гашуунсухайт Чингэлэг тээврийн терминалын ажилчдыг тээвэрлэх аяллыг 2024 оны 06 дугаар сарын 11-ний өдрөөс амжилттай эхлүүллээ.

“Эрдэнэс тавантолгой” ХК-ийн ажилчдыг аюулгүй, түргэн шуурхай, тав тухтай тээвэрлэх зорилготой тус аялал нь  Тавантолгой- Гашуунсухайт, Гашуунсухайт- Тавантолгой чиглэлд 7 хоногт 1 удаагийн давтамжтайгаар аялах ба одоогийн байдлаар 153 зорчигчийг тээвэрлээд байна.