Завхан аймагт хоёр толгойтой тугал гарчээ
Завхан аймгийн малчин Г-ийн хотонд хоёр толгойтой тугал гарлаа. Тавдугаар сарын 16-ны өдөр “Үнээ тугалж чадахгүй байна” гэх дуудлагын дагуу малын их эмч Ч.Должинсүрэн, Б.Бямбаноров нар 70 орчим км зам туулж очиход хоёр толгойтой тугал байсан тул хагалгааг амжилттай хийжээ. Эх мал эсэн мэнд бөгөөд ходоод, дотор гэдэсний үрэвсэл, хүндрэлээс сэргийлэх, амьсгал, зүрх судас дэмжих, өвчин намдаах зэрэг эмчилгээ хийсэн байна.
Ахмад эмч нарыг 40 гаруй жил мал аж ахуйн салбарт ажиллах хугацаанд нь Завхан аймагт хоёр толгойтой тугал гарч буй хоёр дахь тохиолдол нь энэ юм. Одоогоос 10 жилийн өмнө буюу 2014 онд Алдархаан суманд мөн хоёр толгойтой тугал гарч байжээ. Сүүлийн жилүүдэд хээл хүндрэх тохиолдол их байна гэжээ.
