МУГТ М.Анхцэцэг ПАРИС-2024 ОЛИМПЫН ЭРХЭЭ АВЛАА

Энэ сарын 15-нд буюу өчигдөр Олон Улсын хүндийн өргөлтийн холбооноос эмэгтэйчүүдийн 81-ын жинд өрсөлдөх тамирчдын нэрсийг зарласан. Энэ жингийн топ 10-т Ази тивээс хоёр тамирчин багтсаны нэг нь МУГТ М.Анхцэцэг бөгөөд тэрбээр өнгөрсөн сард болсон олимпын эрхийн сүүлийн тэмцээний дараа чансаагаараа 13-т бичигдэж байсан юм. Зөвхөн 10 тамирчинд "Парис 2024" тийз олгогдох ба Хойд Солонгосын тамирчин жингээ тэргүүлж байгаа ч олимпод өрсөлдөхгүй тул М.Анхцэцэг 10 дугаар байранд бичигдсэнээр дөрөв дэх олимпын наадамдаа өрсөлдөхөөр болсон нь энэ юм. Учир нь эрхээ авсан зарим орны тамирчид энэ жингийг сонгоогүй аж.