“ХАРХОРИН” захын арын зам дагуу худалдаа эрхлэгчдийг нүүлгэн шилжүүлж, гудамж зам талбайг ЦЭВЭРЛЭЖЭЭ

2024 оныг “Тохижилт-бүтээн байгуулалтын жил” болгон зарласантай холбогдуулан Нийслэлийн Засаг даргын захирамжаар таван Ажлын хэсэг байгуулагдаж, хотын гол магистрал зам дагуух нийтийн эзэмшлийн зам талбайд стандарт мөрдүүлэн, зөрчлийг арилгахаар ажиллаж буй. Одоогоор дөрөвдүгээр Ажлын хэсгийн хариуцсан трасст зөвшөөрөлгүй барилгын ажил эхлүүлсэн 14, газар олголтоосоо илүү гаргаж, хашаа татсан 9, нийтийн эзэмшил болон дэд бүтцийн шугам сүлжээн дээр хашаа хайс барьсан 3, зөвшөөрөлгүй хаягжилт, гэрэлтүүлэг, сурталчилгааны самбар байршуулсан 12 зөрчил илэрчээ. Мөн “ХАРХОРИН” захын арын зам дагуу худалдаа эрхлэгчдийг нүүлгэн шилжүүлж, гудамж зам талбайг ЦЭВЭРЛЭЖЭЭ.