Дорнод аймаг, Матад сумд гарсан хээрийн түймрийг бүрэн унтраасан ба 100 га талбай шатжээ

Дорнод аймаг, Матад сум Буян-Өндөр багийн “Хөндий худаг” гэдэг газар /аймгийн төвөөс зүүн урд зүгт 150 км-т, сумын төвөөс зүүн хойд зүгт 60 км-т/ Хээрийн гал түймэр гарсан тухай дуудлагыг ОБЕГ 04.10-ны өдрийн 18:20 цагт хүлээн авсан. Матад суманд үүрэг гүйцэтгэж байсан тус аймгийн Онцгой байдлын газрын Эрэн хайх, аврах ангийн алба хаагчдыг ажиллаж, мөн өдрийн 21:35 цагт хээрийн гал түймрийг бүрэн унтраасан байна. Урьдчилсан байдлаар түймэрт 100 га орчим талбай шатжээ. Иймд иргэн та гал түймэр гарахаас сэргийлж анхаарал, сэрэмжтэй хандана уу!