“THE NIGHT with MOTIVE” тоглолт энэ сарын 18нд болно

MOTIVE  хамтлагийн 15 жилийн ойд зориулсан “THE NIGHT with MOTIVE” тоглолт энэ сарын 18 нд Зайсан Хиллд 19 цагаас зохион байгуулагдах гэж байна. Тоглолтын талаарх мэдээллийг тус хамтлагийн гишүүд өглөө. Тэд хэлэхдээ: “Урлаг гэдэг зүйл өөрөө нээллтэй, толь шиг зүйл. Хүнийг гуниглуулна, баярлуулна, тайвшруулах увидасыг өгдөг гайхалтай зүйл байдаг учраас хамтлагийнхаа нэрийн өмнөөс энэ хэвлэлийн бага хурлыг албан ёсоор хийж байна. Бид оюутан байхдаа өөрсдийн хүсэл мөрөөдлөөр холбогдон уран бүтээл хийгээд 15 жил, анд нөхөрлөлийн 20 жил болсон байна. Энэ тоглолт маань хамгийн том хэмжээнийх гэж  хэлж болно. Өмнөх тоглолтуудаасаа нэг шат ахисан байх тал дээр нэлээд анхаарсан. Тоглолт маань гурвас хэсгээс бүрдсэн байгаа. Тайзны гэрэл, онцлогийн хувьд нууц хэвээр үлдээе. Маш олон үйл явдал болно. Гоё шинэлэг тоглолт үзүүлнэ гэдэгтээ бүрэн төгс итгэлтэй байна” гэлээ.