Гашуунсухайт боомтоор БНХАУ руу зорчих шинэ чиглэл нээгдлээ
Монгол Улс болон БНХАУ-ын ӨМӨЗО-ны Автотээврийн төлөөлөгчдийн ээлжит уулзалтаар хэлэлцэн тохиролцсоны дагуу “Өмнөговь аймгийн Ханбогд сумаас Гашуунсухайт-Ганцмод боомтоор БНХАУ-ын ӨМӨЗО-ны Баяннуур хотын Уртын дунд хошууны Халиут балгас” чиглэлийн улс хоорондын зорчигчдын тогтмол тээвэрлэлтийн үйлчилгээг энэ сарын 14-ны өдрөөс эхлүүллээ.
Тээвэрлэлтийг Монголын талаас “Жи Би Монгол транс” ХХК, БНХАУ-ын талаас “Ба Юун” ХХК-ууд гүйцэтгэх аж. Үйлчилгээний цагийн хуваарь болон үнэ тарифыг танилцуулахад,
Цагийн хуваарь:
Өмнөговь аймгийн Ханбогд сумаас: Даваа, Мягмар, Лхагва, Пүрэв, Баасан гарагуудад 08:30 цагт тогтмол гүйцэтгэнэ.
БНХАУ-ын Халиут балгасаас: Даваа, Мягмар, Лхагва, Пүрэв, Баасан гарагуудад 07:20 цагт тогтмол гүйцэтгэнэ.
Тээвэрлэлтийн зай: 275км
Тээвэрлэлтийн хугацаа: 06:40 минут
Хөдлөх цэг:
Монголын талаас :Өмнөговь аймгийн Ханбогд сум
Хятадын талаас: Баяннуур хотын Уртын дунд хошууны Халиут балгас
Тариф:
Монголын талаас: Том хүн 48,000₮ Хүүхэд 24,000₮
Хятадын талаас: Том хүн 120 юань Хүүхэд 60 юань байх ажээ.
