| | USD/MNT 0₮
| | USD/MNT 0₮
УИХ-ын 2020 оны сонгуульд хэн хэн өрсөлдөх талаар одоогоор хар зурагнууд гарсаар байна. Энэ жилийн сонгуульд Дундговь, Говьсүмбэр аймгийг нэгтгэн нэг тойрог, хоёр мандаттайгаар явуулахаар болсон.
ЖДҮ-чин нэр зүүж, нэр дэвших эрхгүй болоод байгаа УИХ-ын гишүүн Д.Дамба-Очир энэ жил тойргоо солихоор шийдсэн бололтой. Тэрбээр хоёр жилийн өмнөөс Дундговь аймгийг услаж эхэлсэн. Гэвч ЖДҮ-чин гэдэг нэрээрээ мандатаа алдах магадлал өндөр байгаа юм. Гэхдээ түүний нэрийг дэвшүүлэх эсэхийг намын дарга болон Бага хурлаар шийдвэрлэх юм.
Мөн өнгөрсөн жил ажлаа хүлээлгэн өгсөн “Эрдэнэс Монгол” ХХК-ийн захирал О.Одбаяр МАН-аас нэр дэвших бололтой. Тэрбээр өөрийн хүсэлтээр ажлаа хүлээлгэн өгч 2020 оны УИХ-ын сонгуульд нэр дэвших өрсөлдөөнд оролцохоор болсон билээ.
Харин Говьсүмбэр аймгаас УИХ-ын гишүүн Г.Мөнхцэцэг дахин их хуралд суудал горилж магадгүй нь. Тэрбээр тойргоосоо жийгдэж хоцрохгүй тулд “Эрдэнэт”-ийг орхисон Д.Дамба-Очиртой нийлж гүйсээр байгаад дээрх хоёр аймгаа нэгтгэсэн гэх. Гэхдээ гишүүн Г.Мөнхцэцэгийг нэр дэвшихгүйгээр нам нь ялбал сайдын суудал горилох сонирхолтой байгаа гэсэн албан бус мэдээлэл ч байгаа юм. Хэрхэхийг цаг хугацаа харуулна.
Харин АН-аас саарал ордонд сардаа ганц удаа үзэгддэг УИХ-ын гишүүн “Мон уран” компанийн эзэн Б.Наранхүү гуравдахь удаагаа нэр дэвшиж магадгүй. Тэрбээр өнгөрсөн 2012 онд УИХ-ын гишүүн болж томорч улс төрд орж ирсэн. Дараа нь 2016 онд 16 дугаар тойрог буюу Дундговь аймагт АН-ыг цэнхэртүүлж ганцаараа гарч ирсэн улстөрч. Өнөө жил дахиад өөрийгөө сойж уралдах нь тодорхой байх.
УИХ-ын 2020 оны сонгуульд хэн хэн өрсөлдөх талаар одоогоор хар зурагнууд гарсаар байна. Энэ жилийн сонгуульд Дундговь, Говьсүмбэр аймгийг нэгтгэн нэг тойрог, хоёр мандаттайгаар явуулахаар болсон.