Малдаа яваад сураггүй алга болсон хүүхдийн унаж явсан морь адуундаа гүйж иржээ

     Ховд аймгийн Буянт сумын Цагаан бургас багийн Хар ус нуур гэдэг газар тавдугаар сарын 25-ны өдрийн 16:00 цагийн орчим бага насны хүүхэд малаа хариулж яваад сураггүй болсон бөгөөд унаж явсан морь нь адуундаа гүйж ирсэн байна.

    Энэ тухай дуудлагыг ОБГ тавдугаар сарын 26-ны өдрийн 00:53 цагт хүлээн авсан. Тус аймгийн Онцгой байдлын газрын Эрэн хайх, аврах ангийн алба хаагчдыг очиж, ар гэрийнхэнтэй хамтран малчин Д /13 настай, эрэгтэй/-ийг эрэн хайх ажиллагааг зохион байгуулж байна.