Д.Батгэрэл UFC-д гурав дараалан ялагдлаа

Холимог тулааны хамгийн том холбоо UFC-тэй гэрээ байгуулсан Монголын анхны тулаанч Данаагийн Батгэрэл UFC холбооны долоо дахь тулаанаа өнөөдөр хийв.

Тэрээр "Iridium" багийн тулаанч 23 настай, "BAM-BAM" хочит Брэди Хиестандыг гурван үеийн турш илүүрхэж байсан ч эцсийн мөчид хүнд цохилтоор ялагдлаа.

"Талын шуурга" хочит, 33 настай Д.Батгэрэл ийнхүү UFC-д гурав дараалан ялагдаж мэргэжлийн тулааны 5 дахь ялагдлаа хүлээв.

UFC-д тулалдсан түүхүүд:

• 2023.04.23. Брэди Хиестад - Хүнд цохилтоорялагдсан
• 2022.07.22. Кюн Хо Кан - Шүүгчдийн шийдвэрээр ялагдсан
• 2022.05.26. Крис Гутерез - Хүнд цохилтоор ялагдсан
• 2021.10.16. Брэндон Дэвис - Хүнд цохилтоор ялсан
• 2021.04.24. Кевин Нативидад - Хүнд цохилтоор ялсан
• 2020.05.07. Гидо Каннети - Хүнд цохилтоорялсан
• 2019.08.31. Хэйли Алатэн - Шүүгчдийн шийдвэрээр ялагдсан

Алдарт холбоонд элсээд эхний тулаандаа ялагдсан ч гурван өрсөлдөгчөө дараалан хүнд цохилтоор ялаад байсан түүний хожлын цуврал Крис Гутерез дээр зогссон юм. Өнгөрсөн оны долоодугаар сараас хойш тулаан хийлгүй есөн сар өнжөөд байсан Д.Батгэрэлийн UFC дэх үзүүлэлт 3-4 боллоо.