Өсвөр насны хүүхдийн амиа хорлолт, сэтгэл зүйн асуудал дэлхий нийтээр анхаарал татсан асуудал болж байна. Нэн ялангуяа Ковид-19 цар тахлын удаан хугацааны хөл хорионы дараа хүүхдүүд цахим донтолт, цахим гадуурхал, хяналтгүй мэдээ мэдээлэл-д хэт автаж, үүнийг дагасан сэтгэл зүйн тогтворгүй байдалд өртөх эрсдэл өндөр болж байна.

     НҮБ-ын Хүүхдийн сангаас 2020 онд зохион байгуулсан Хүүхдийн нийгэм, сэтгэл зүйн асуудал, эрсдэлийг илрүүлэх судалгаагаар сурагчдын 67.8% нь ганцаардсан, 59.0% нь бухимдалтай, 42.4% нь айдас зовнилтой, 56.2% нь дасан зохицох чадвар сул, дунд болон ахлах ангийн сурагчдын 4 хүүхэд тутмын 1 нь их ганцаардаж, таван сурагч тутмын нэг нь их уйтгарлаж, уйдаж байна гэжээ.

    Мөн Б.Нацагсүрэн, Б.Батцэцэг, З.Зулгэрэл, Т.Мандхай нар 2019 онд 12-18 насны нийт 235 хүүхдийн дунд судалгаа хийхэд 36.2% сэтгэл гутралтай, 31.9% сэтгэл түгшилт илэрсэн, 39.6% нь амиа хорлох оролдлого хийж үзэж байсан байна.

     Үр хүүхдэдээ тавих анхаарал халамжаа нэмэгдүүлж, нийгмийн бүхий л орчныг хүүхдэд ээлтэй, хүний эрхийн мэдрэмжтэй болгоход анхаарч хамтран ажиллацгаая!!!