| | USD/MNT 0₮

Владимир Путин Украины Мариуполь хотод очжээ

Дайны эхний жилд Оросын цэргүүдийн бүслэлтийн үеэр сүйрсэн Мариуполь хотод ОХУ-ын Ерөнхийлөгч Владимир Путин анх удаа айлчилжээ. Түүний айлчлалын бичлэг цацагдсан бөгөөд хотоор шөнийн цагаар аялж буйгаар эхлэх аж.

Оросын зэвсэгт хүчний халдлагад өртсөн хэд хэдэн газруудаар Путин дайран өнгөрсөн байна. Өнгөрсөн тавдугаар сард ОХУ-ын арми тус хотыг эзэлсэн юм.

ОХУ-ын бүслэлтийн үеэр тус хотын орон сууцны барилгуудын 90 хувь нь эвдэрсэн гэж НҮБ үзэж байна.

Оросын хэвлэл мэдээллийн хэрэгслээр цацагдсан бичлэгт Путин хотын Филармони руу явах замдаа хамт яваа Шадар сайд Хуснуллинтай ярилцаж буйг харуулжээ. Энэ айлчлал бямба гарагт болсон гэж Кремль мэдэгдэв.

Украины Мариуполь хотын дарга Вадим Бойченко /хотоос явсан/ "Мариуполь хотыг сүйрүүлсэн учраас Путины хувьд бэлгэдлийн газар болсон гэдгийг бид ойлгох ёстой. Өөр ямар ч хот ингэж сүйрээгүй. Ямар ч хот ингэж бүслэгдэж, бүхэлдээ бөмбөгдөлтөд өртөөгүй. Тэр өөрийн биеэр юу хийснээ үзэхээр ирсэн" гэж хэлсэн байна.

Хотын дарга Бойченко "Тэд хотыг чөлөөлөх гэж ирсэн гэж худлаа ярьж байна. Харин ч тэд сүйрүүлсэн. Энэ хот байхгүй болсон. Сэргээхэд 20 жил шаардлагатай" гэж хэлсэн байна.

ВВС-ийн сэтгүүлчид Путины дайран өнгөрсөн хэд хэдэн гол байгууламжийг тодорхойлж чаджээ. Тэрээр Хуснуллинтай хамт Куприний гудамжаар явж байгаад Мир өргөн чөлөө рүү эргэж, хотын Филармонийн танхим байрладаг Металлургийн өргөн чөлөө рүү явсан байна.

Путин, Хуснуллин хоёрын явж буй машины зүүн талд хуучин Мариуполь хотын Эрх чөлөөний талбайд шувуудын баримлууд харагдах аж. Цаашилбал, бичлэгт ороогүй ч өнгөрсөн оны гуравдугаар сард халдлагад өртсөн Мариуполийн 3-р амаржих газар байгаа ажээ. Тухайн үед хүнд шархадсан бие давхар эмэгтэй Марианна Вышемирскаягийн төрөх эмнэлгийн шатаар бууж буй зурагнууд интернэтээр тархсан. Тэрээр амьд үлдэж, маргааш нь амаржжээ. Хохирогчдын дунд бас нэгэн жирэмсэн эмэгтэй байсан аж.

Дараа нь бичлэгт Путин шинэ суурьшлын бүсээр алхаж байгааг харуулжээ. Энэ үйл явдал Невский хороололд болж байна гэж Кремль мэдэгдэв. Хуснуллин Путинтэй хамт явсаар байх бөгөөд түүнд хотыг сэргээн босгох төлөвлөгөөгөө харуулсан байна. Невский хотын баруун хэсэгт орших олон арван барилгатай шинэ хороолол юм байна. Путины төрөлх хот Санкт-Петербург байрладаг Нева мөрний нэрээр нэрлэгджээ.

Хотын дарга Бойченко "Тэд хотыг чөлөөлөх гэж ирсэн гэж худлаа ярьж байна. Харин ч тэд сүйрүүлсэн. Энэ хот байхгүй болсон. Сэргээхэд 20 жил шаардлагатай" гэж хэлсэн байна.

Мариуполь хотын оршин суугчид ВВС-ийн сэтгүүлчдэд тус хотод шинэ барилгууд баригдаж, зарим газарт Оросын цэргийнхний сүйтгэсэн байшингуудын балгасыг нүүлгэж байна гэж мэдэгджээ. ОХУ-ын бүслэлтийн үеэр тус хотын орон сууцны барилгуудын 90 хувь нь эвдэрсэн гэж НҮБ үзэж байна.

Эх сурвалж: ВВС

 

Нийгэм

Сэтгэгдэл (0)

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Asu.mn хариуцлага хүлээхгүй.