Хөгжлийн банкинд хийсэн 170 гаруй зөрчилтэй асуудалд 192 дүгнэлт бичиж байжээ

Хөгжлийн банкны асуудлаарх нотлох баримтыг шинжлэн судлах хоёр дахь удаагийн сонсгол Төрийн ордонд эхэллээ. Яг одоо ХБ-нд хяналт шалгалт хийсэн эрх бүхий байгууллагуудын тайлан, тэдгээрийн зөвлөмжийн үр дүнг хэлэлцэж байна. Шинжээчийн танилцуулснаар Монгол Улсын Хөгжлийн банкны үйл ажиллагаанд УИХ /2022/, Засгийн газар /2016, 2019/, Үндэсний аудитын газар /2019,2021/, Монголбанк /2017, 2018, 2021/, Монголбанк болон Сангийн яамны хамтарсан /2020/, PWC /2018/ зэрэг байгууллагуудаас хийсэн хяналт шалгалтаар нийт 170 гаруй зөрчилтэй асуудлыг тэмдэглэж, үр дүнд үндэслэсэн 192 дүгнэлт бичиж байжээ. Мөн зөрчил болон эрсдлийг арилгах 237 зөвлөмж өгч байсан аж.