Х.Нямбаатар: АН-ын хоёр гишүүн маргалдсан юм байна, нэр усыг нь зарлаад яах юм бэ

АН-ын хоёр гишүүн Төрийн ордонд маргалдаж улмаар зодолдсон учраас цагдаагийн алба хаагчид Төрийн ордонд үүссэн асуудлыг шалгаж хамгаалалтад авчээ. Энэ талаар ХЗДХ-ийн сайд Х.Нямбаатар мэдээлэл өгөхдөө "АН-ын хоёр гишүүн маргалдсан юм шиг байна. Өөрсдөө яриг л дээ. Би гэрч биш шүү дээ. Миний үүрэг бол төрийн ордны хуулиар цагдаагийн байгууллагад ирсэн дуудлага мэдээллийн дагуу шалгуулахын тулд төрийн ордны тусгай алба руу орох зөшөөрөл заавал авах ёстой гэдэг зүйлийг хэллээ. Тэгээд бүрэлдэхүүн ирсэн. Хоёр гишүүн хоорондоо үл ялиг маргасан юм шиг байна. Нэр усыг нь зарлаад яахав" гэлээ.