ЖИЛИЙН ӨМНӨХ ЭЛ ӨДӨР УИХ-ЫН ДАРГА М.ЭНХБОЛДЫГ ОГЦРУУЛЖ БАЙЖЭЭ

Өнгөрсөн 2019 оны нэгдүгээр сарын 29-ны өдөр УИХ-ын чуулганы хуралдаанаар  Улсын Их Хурлын дарга М.Энхболдыг үүрэгт ажлаас нь чөлөөлж байжээ.

Өнгөрсөн жил М.Энхболд даргыг огцруулахаар УИХ-ын 39 гишүүн гарын үсэг зурсан тогтоолын төслийг Улсын Их Хурлын гишүүн Л.Оюун-Эрдэнэ, Т.Аюурсайхан, Ж.Батзандан, Л.Болд, Х.Нямбаатар нар өргөн мэдүүлсэн байдаг. 

Чуулган дээр санал хураалтад 65 гишүүн оролцож, 43 гишүүн буюу 66.2 хувийн саналаар УИХ-ын дарга М.Энхболдыг огцруулсан байсны нэг жилийн ой өнөөдөр тохиож байна.

Л.Оюун-Эрдэнэ тэргүүтэй таван гишүүн УИХ-ын даргыг огцруулсан.

Тэд “УИХ-ын даргыг Үндсэн хууль зөрчсөн. Учир нь, 26 гишүүн нэгдэж, ээлжит бус чуулганыг хуралдуулах хүсэлт тавьсан ч хуралдуулаагүй. Дээр нь 60 тэрбумын хэргээр нийтийн сонсгол явуулаагүй. Түүхэндээ анх удаа УИХ-ын дарга өөрөө хуралдаанаа орхин гарсан. Чуулганыг өөрөө бойкотлосон. Тиймээс энэ хүн УИХ-ыг удирдах ёс зүйн чадамжгүй. Үндсэн хууль зөрчсөн. Бид огцортол нь чуулганы хуралдаанд суухгүй. Чуулганы танхимд ч тэмцлээ үргэлжлүүлнэ” гэж мэдэгдсээр байгаад албан тушаалаас нь буулгасан байдаг юм.

Өнгөрсөн 2019 оны нэгдүгээр сарын 29-ны өдөр УИХ-ын чуулганы хуралдаанаар Улсын Их Хурлын дарга М.Энхболдыг үүрэгт ажлаас нь чөлөөлж байжээ.