"Хурд" группийн захиалгаар баригдаж буй "Хүннү-2222" хорооллын есөн давхраас хүн унаж амиа алджээ

"Баригдаж байгаа барилгын есөн давхарт ажил хийж байсан хүн лифтнээс унаад нас барчихлаа гэх” мэдээлэл өчигдөр 12:39 цагт цагдаагийн байгууллагад бүртгэгджээ. Мэдээллийг хуулийн байгууллагаас шалгахад Чингэлтэй дүүрэгт оршин суух хаягтай, 35 настай иргэн "Хурд" группийн захиалгаар баригдаж буй "Хүннү-2222" хорооллын есөн давхарт шалны плита нааж байгаад хөөсөнцрөөр хаасан байсан лифтнээс унаж нас барсан байдал тогтоогджээ. Хэргийг харьяаллын дагуу Хан-Уул дүүргийн цагдаагийн нэгдүгээр хэлтэст шалгаж байна.