Загвар өмсөгч Б.Баярцацрал Гоёл-2023 наадмын ТОП модель болжээ

Монголын загварын ертөнцийнхний хамгийн нэр хүндтэй том наадам болох "Гоёл-2023" наадам "Шангри-Ла" зочид буудлын их танхимд өчигдөр болж өндөрлөлөө. Энэ жилийн топ моделиор загвар өмсөгч Б.Баярцацрал тодорчээ. Тэрбээр "Шилмэл загвар" агентлагийн загвар өмсөгч ажээ. Цар тахлын улмаас хоёр жил өнжсөн "Гоёл" наадамд энэ жил залуу загвар өмсөгчид олноор оролцсон байна.  Мөн тус наадмын шилдэг эмэгтэй загвар өмсөгчөөр М.Нармандах, шилдэг эрэгтэй загвар өмсөгчөөр Ачтай нар тодорчээ.