Улс тунхагласны баярт зориулсан хүчит бөхийн барилдаанд Улсын аварга П.Бүрэнтөгс түрүүлж, О.Хангай үзүүрлэлээ

Их эзэн Чингис хааны мэндэлсний 860 жилийн түүхт ой, Монгол бахархлын өдөр болон Бүгд Найрамдах Улсаа тунхагласны 98 жилийн ойд зориулсан улс, аймгийн алдар цолтой 256 бөхийн барилдаан өнөөдөр боллоо. Тус барилдаанд улсын гурван аварга тэргүүтэй бөхчүүд барилдснаас Увс аймгийн Давст сумын харьяат Алдар спорт хорооны бөх Улсын аварга П.Бүрэнтөгс түрүүлж, Ховд аймгийн Буянт сумын харьяат Улсын аварга О.Хангай үзүүрлэлээ.