Өнөөдөр бөх барилдахгүй

Их эзэн Чингис хааны мэлмий гийсэн түүхт энэ өдөр буюу Монгол бахархлын өдрөөр уг нь 256 бөх барилдуулдаг уламжлалтай билээ. Харин өнөө жил төрөөс хэмнэлт нэрийдлээр бөх барилдуулахгүй гэсэн шийдвэрийг гаргажээ. Гэхдээ энэ сарын 26-нд Улс тунхагласны баярын өдрийн бөхийг өнөөдрийн баяртай хамтатган барилдаан зохион байгуулахаар төлөвлөжээ. Нөгөөдөр буюу энэ сарын 26-нд Монгол бөхийн өргөөнд улс аймгийн алдар цолтой 256 бөх уран мэхээ уралдуулан барилдах юм байна.