Сэрэмжлүүлэг:Нийслэлд хүйтний эрч чангарч шөнөдөө 32-35 хэм хүрэхийг анхааруулж байна

Өнөөдөр өвлийн тэргүүн сарын шинийн 01-ны өдөр тохиож байна. Тодруулбал, ийнхүү өвлийн улирал эхэлж байна гэсэн үг. Харин УЦУОШГ-аас ирэх долоо хоногт нийт нутгаар хүйтний эрч чангарч зарим нутгаар шөнөдөө -40 хэм хүрч хүйтрэх, Нийслэлд 32-35 хэм хүрч хүйтэрч цаг уурын онц аюултай үзэгдэл болох талаар сэрэмжлүүлэг гаргажээ. 

Тодруулбал, өнөөдөр, маргааш /2022.11.24-25/ төв болон зүүн аймгуудын нутгаар, энэ сарын 27, 28-нд ихэнх нутгаар цас орж, цасан шуурга шууна гэсэн бол, цаашдаа 11-р сарын 28-наас 12 дугаар сарын 02-ны өдрийг хүртэл хугацаанд нийт нутгаар хүйтний эрч эрс чангарч шөнөдөө 29-34 градус, өдөртөө -19-24 градус хүйтэн байх аж. Харин Улаанбаатар хотод 11 дүгээр сарын 24, 27, 28-нд цас орж, энэ сарын 28-наас 12 дугаар сарын 01-ний өдрүүдэд хүйтний эрч эрс чангарч, шөнөдөө 32-34 градус, өдөртөө 23-25 градус хүрч хүйтэн байх ажээ. Иймд энэ хугацаанд зам тээвэр, хөдөө ах ахуй, боловсролын үйл ажиллагааг хэвийн явуулахад ноцтой хүндрэл учирч болзошгүй байгаа аж.