Улсын заан М.Лхагвагэрэлийг Гавьяат тамирчин цолоор шагнахаар болжээ

Улс тунхагласаны баярын өдрөөр Завхан аймгийн Яруу сумын харьяат Улсын заан М.Лхагвагэрэлийн чөлөөт бөх болон үндэсний бөхийн спортод гаргасан амжилтыг нь үнэлж Монгол Улсын гавьяат тамирчин цол хүртээхээр болжээ. М.Лхагвагэрэл нь өнгөрсөн жилийн баяр наадмаар долоо давж Улсын заан цол хүртсэн билээ. Тодруулбал, тавын даваанд улсын харцага Ш.Пүрэвгарьдыг, зургаагийн даваанд улсын гарьд Б.Гончигдамыг, долоогийн даваанд улсын харцага Б.Зоригтбаатарыг давж, заан цолтон болсон юм.