Монгол иргэний амийг хөнөөсөн Буриад улсын иргэнд холбогдох хэргийг шүүхэд шилжүүлжээ

Нийслэлийн прокурорын газраас ОХУ-ын Буриад Улсын иргэд Монгол Улсын иргэний толгой руу алхаар цохиж амь насыг нь хохироосон хэрэгт яллах дүгнэлт үйлдэн шүүхэд шилжүүлсэн байна. Хэргийг тодруулбал, өнгөрсөн есдүгээр сарын 24-ний өдөр БГД-ийн ....дугаар хорооны нутагт ОХУ-ын Буриад Улсын иргэн Д нь согтуугаар Монгол Улсын иргэн Г-н толгой хэсэгт тодорхой шалтгаангүйгээр алхаар олон удаа цохиж, онц харгис хэрцгийгээр санаатай алсан байдаг. Тиймээс түүнд Эрүүгийн хуулийн тусгай ангийн 10.1 дүгээр зүйлийн 2.1 дэх хэсэгт зааснаар яллах дүгнэлт үйлдэн, хэргийг Баянгол дүүргийн эрүүгийн хэргийн анхан шатны шүүхэд шилжүүлжээ.