Нийслэлийн түргэн тусламжийн төвийн ажилтнууд галаас дөрвөн хүүхдийн амь аварчээ.  Тодруулбал, энэ сарын 14-15-нд шилжих шөнө Нийслэлийн түргэн тусламжийн төвийн дуудлагын их эмч М.Хулан, жолооч Э.Бямба-Эрдэнэ нар ажил үүргээ гүйцэтгэж явахад Баянзүрх дүүргийн 21 хороо Дарь-Эхэд айлын тооноор гал дүрэлзэн асаж байхад хашаа даван орж галаас дөрвөн хүүхдийн амь насыг авран хамгаалсан сайхан үйл бүтээжээ.