Цахилгааны шөнийн тарифын хөнгөлөлтөд 33 тэрбумыг суулгажээ

УИХ-ын өнөөдрийн нэгдсэн хуралдаанаар Монгол Улсын нэгдсэн төсвийн 2023 оны төсвийн хүрээний мэдэгдэл, 2024-2025 оны төсвийн төсөөллийн тухай хуульд өөрчлөлт оруулах тухай хуулийн төслийн зарчмын зөрүүтэй саналаар санал хураалт явууллаа.

Улмаар уг хуулийн төслийг эцсийн хэлэлцүүлэгт бэлтгүүлэхээр холбогдох байнгын хороонд шилжүүлэв. 

Нэгдсэн чуулганы хуралдааны үеэр гэр хорооллын айл өрхийн эрчим хүчний хэрэглээнд улсаас шөнийн тарифын хөнгөлөлт үзүүлэх санхүүжилтийг улсын төсөвт тусгасан талаар УИХ-ын гишүүн М.Оюунчимэг мэдээлэв.

Тэрээр "Бид иргэдийнхээ саналыг тусгаж, шөнийн цахилгааны тарифын 33 тэрбум төгрөгийг Эрчим хүчний сайдын багцад суулгаж чадсан" гэв.