Гишүүн асан Ж.Батзанданг нэг сар цагдан хорихоор болжээ

УИХ-ын гишүүн асан Ж.Батзанданд таслан сэргийлэх арга хэмжээ авсан байгаа билээ. Тэгвэл түүнийг суллах уу үргэлжлүүлэн хорих уу гэдгийг шийдэх шүүх хурал өнөөдөр болжээ.

Тодруулбал, Нийслэлийн прокурорын газраас Эрүүгийн хуулийн тусгай ангийн 22.1 дүгээр зүйлийн 3 дахь хэсэг, 18.6 дугаар зүйлийн 2 дахь хэсгийн 2.3 дахь заалтад тус тус заасан эрүүгийн хэрэгт яллагдагчаар татагдсан Ж.Батзандан, Г.Аюулгүй нарт цагдан хорих таслан сэргийлэх арга хэмжээ авах тухай саналыг Чингэлтэй дүүргийн Эрүүгийн хэргийн анхан шатны шүүхэд ирүүлснийг тус шүүх 2022 оны 10 дугаар сарын 07-ны өдөр хянан хэлэлцээд Эрүүгийн хэрэг хянан шийдвэрлэх тухай хуулийн 14.9 дүгээр зүйлийн 1 дэх хэсгийн 1.2, 1.3 дахь заалт, мөн хуулийн 14.10 дугаар зүйлийн 1, 5 дахь хэсэг, 14.13 дугаар зүйлийн 1, 8, 9, 10 дахь хэсэгт тус тус зааснаар яллагдагч Ж.Батзандан, Г.Аюулгүй нарт нэг сарын хугацаагаар цагдан хорих таслан сэргийлэх арга хэмжээ авч шийдвэрлэжээ.

Түүнийг УИХ-ын гишүүнээр ажиллаж байхдаа туслахаараа дамжуулан Хөгжлийн банкнаас их хэмжээний зээл авч, түүнийгээ төлөөгүй гэсэн шалтгаанаар буруутгаж цагдан хорьсон байгаа юм.