Монголчуудын дундаж цалин 1,5 сая төгрөг гэж Үндэсний статистикийн хороо мэдээлэв

Үндэсний статистикийн хорооноос наймдугаар сарын байдлаар нийгэм, эдийн засгийн байдлыг дэлгэрэнгүй танилцууллаа. Дундаж цалин 1.5 сая төгрөг болсон гэв. Энэ дүнг нийгмийн даатгал төлөгчдийн цалин, түүнтэй адилтгах орлогын мэдээлэлд суурилан гаргадаг. Энэ оны эхний улиралд дундаж цалин 1 сая 450 мянган төгрөг байсан юм.     

Харин медиан цалин 1.1 сая төгрөг байна. Энэ дүн энэ оны эхэнд нэг сая 67 мянган төгрөг байсан юм. Медиан цалин нь нийгмийн даатгалын шимтгэл төлж буй 718 мянган иргэнийг цалингийн хэмжээгээр нь нэг цуваанд жагсаахад голд нь байршсан хүний цалин буюу дундаж цалинтай хүмүүсийн цалинг багаас нь их рүү жагсаагаад голын хүний цалин юм.