БНХАУ-д гарсан шинэ Коронавирусийн халдвараар зургаан хүн нас баржээ

Өнгөрсөн оны арванхоёрдугаар сарын сүүлээр БНХАУ-ын Ухань хотод анх бүртгэгдэж, хэд хэдэн улсад тархаад буй Коронавирус нь мал амьтнаас хүнд мөн хүнээс хүнд агаар дуслын замаар халдварладаг нь нэгэнт тодорхой болжээ. Өнөөдрийн байдлаар Дэлхийн зарим улс оронд шинэ Коронавирусийн халдвараар 282  хүн өвчилж, зургаан хүн нас барсан, мөн Тайланд улсад 2, Япон улсад 1, БНСУ-д тус тус нэг тохиолдол зөөвөрлөгдөж бүртгэгдсэн тухай ДЭМБ-аас албан ёсоор мэдээллээ.

Түүнчлэн албан бус эх сурвалжын мэдээлж байгаагаар АНУ, Австрали, Филлипин улсад сэжигтэй тохиолдол бүртгэгдсэн талаар ЭМЯ-наас мэдээллээ.

Харин манай улсад орж ирсэн байж болзошгүй гэх мэдээлэл тараад байсныг салбарын яамнаас үгүйсгэлээ. Тодруулбал, нэгдүгээр сарын 10-наас эхлэн БНХАУ, ХонгКонгоос онгоцоор ирсэн халуурсан, ханиалгасан, амьсгалын замын халдварын сэжигтэй зургаан хүнийг ХӨСҮТ-д түр тусгаарлан, онош тодруулах шинжилгээ хийж, шинэ коронавирусын халдварыг үгүйсгэсэн байна.

Өнгөрсөн оны арванхоёрдугаар сарын сүүлээр БНХАУ-ын Ухань хотод анх бүртгэгдэж, хэд хэдэн улсад тархаад буй Коронавирус нь мал амьтнаас хүнд мөн хүнээс хүнд агаар дуслын замаар халдварладаг нь нэгэнт тодорхой болжээ. Өнөөдрийн байдлаар Дэлхийн зарим улс оронд шинэ Коронавирусийн халдвараар 282 хүн өвчилж, зургаан хүн нас барсан, мөн Тайланд улсад 2, Япон улсад 1, БНСУ-д тус тус нэг тохиолдол зөөвөрлөгдөж бүртгэгдсэн тухай ДЭМБ-аас албан ёсоор мэдээллээ.