ЦАГДААГИЙН АЛБА ХААГЧ ЭРҮҮЛ ХҮНИЙГ ҮХТЭЛ НЬ ЗОДОЖ ГЭМТЭЭЖЭЭ

Цагдаагийн алба хаагч иргэн хүнийг зодож хүнд бэртээсэн хэрэг Завхан аймгийн Баянтэс суманд гарчээ.

Тодруулбал, өнгөрсөн арванхоёрдугаар сард тус сумын цагдаа эв эрүүл, сав саруул иргэний голыг нь тасартал зодсон хэрэг гарчээ. Зодуулсан иргэн гурван удаагийн нарийн гэдэсний хагалгаанд орсон ч эрүүл болоогүй цоорхой гэдэстэй өдөр хоногийг өнгөрүүлж байна.

Цагдаад холбогдох хэрэг аймгийн прокурорын газарт хянагдаж байгаа аж. Хэрэг зааланд бөмбөг тоглож, улмаар маргалдаж сүүлдээ цагдаагийн алба хаагч зодсон гэнэ.