ҮХНӨ хэлэлцэж байх үеэр Гадны улсаас Худалдаа хөгжлийн банкны хоёр дансанд 124 ТЭРБУМ ТӨГРӨГ шилжиж орж ирлээ

Манай улс Үндсэн хуулиндаа нэмэлт өөрчлөлт оруулах гэж улайран улс төрчид бужигнаж байна. Өнгөрсөн долоо хоногт гишүүд өөрийн тойрогтоо очиж ҮХНӨ-ийн хийх ёстой талаар ухуулга хийхэд амжилттай боллоо гэх мэдээллийг түгээж эхэлсэн ч үнэндээ учир мэдэх хүмүүс эсэргүүцээд хүчрэхгүй байгаа тухайгаа мэдээлж байна.

Яг энэ үеэр Манай Улсын Худалдаа хөгжлийн банкны хоёр дансанд GPI гүйлгээгээр маш их хэмжээний доллар Монголд орж ирсэн байна.

Өнгөрсөн долоо хоногийн эхээр тус гүйлгээ хоёр хуваагдан шилжиж орсон бөгөөд Худалдаа хөгжлийн банкны нэр бүхий хүмүүс гацааж байгаа аж. Тус гацаасан их хэмжээний ам долларыг Монголын томоохон компаний нэр бүхий захирал гаргуулан авахаар хөөцөлдөж байгаа юм байна.

Худалдаа хөгжлийн банкны хоёр дансанд утга нь үл мэдэгдэх их хэмжээний гадаадаас орж ирсэн эл гүйлгээ нь нийлбэр дүнгээрээ 40 сая ам доллар буюу Монгол өнөөдрийн ханшинд хөрвүүлбэл 124 тэрбум 250 сая 280 мянган төгрөг байна.

124 тэрбум төгрөг нь Улс төрийн бохир мөнгө гэдгийг эх сурвалж мэдээлж байгаа бөгөөд улс төрчдийн авлигалд зарцуулагдаж болзошгүй байгаа гэнэ. Бид дараагийн нийтлэлээрээ тус банкинд орж ирсэн данс болон улс төрийн ямар нөлөө бүхий хүмүүс авахаар хөөцөлдөж байгааг нийтлэх юм. Мөн Худалдаа хөгжлийн банкны нэр бүхий захирлууд хувь хүртэхээр 124 тэрбум төгрөгийг гацааж байгаа талаар мэдээлнэ.