ТӨРИЙН НАРИЙН БИЧГИЙН ДАРГА Б.БАЯРСАЙХАНЫ ОРОНД Л.ЦЭДЭВСҮРЭНГ ТОМИЛЖЭЭ

БСШУСЯ-ны Төрийн нарийн бичгийн дарга Б.Баярсайханыг өнгөрсөн арванхоёрдугаар сарын сүүлчээр Засгийн газрын хуралдаанаараа үүрэгт ажлаас нь чөлөөлсөн байгаа билээ.

Тодруулбал, Б.Баярсайхан дарга УИХ-ын 2020 оны сонгуульд нэр дэвшихээр ийнхүү албан ажлаа хүлээлгэж өгсөн гэх мэдээлэл байгаа юм. Тэгвэл түүний оронд тус яамны Хуулийн хэлтсийн дарга Л.Цэдэвсүрэнг түр үүрэг гүйцэтгэгчээр томилжээ.

Тэгвэл Хуулийн хэлтсийн дарга Л.Цэдэвсүрэн гэж хэн бэ?

Товч намтар:

Овог нэр:Лхагвагийн Цэдэвсүрэн

Сургуульд суралцсан байдал:

1985 онд нийслэлийн 10 жилийн 13 дугаар дунд сургууль

1987-1993 онд ОХУ-ын Эрхүү хотын Их сургуулийн Хуулийн факультет

1994 онд Монгол Улсын Их сургуулийн Хууль зүйн сургууль

2003 онд Удирдлагын академийн Төрийн удирдлагын сургууль

2006 онд Монгол Улсын Их сургуулийн Хууль зүйн сургууль /магистр/

Эрхзүйч, Төрийн удирдлагын менежер, Хуулийн магистр 

Эрхэлж байсан ажил, албан тушаал:

• 1985-1987 онд Хотын барилга засварын нэгдсэн трестэд засал чимэглэлчин
• 1994-1996 онд Соёлын яаманд сайдын туслах
• 1996-1997 онд Гэгээрлийн яаманд хуулийн зөвлөх
• 1997-2000 онд Гэгээрлийн яаманд хуулийн зөвлөх, мэргэжилтэн
• 2000-2004 онд Боловсрол, соёл, шинжлэх ухааны яаманд Хуулийн хэлтсийн дарга
• 2004-2016 онд Боловсрол, соёл, шинжлэх ухааны яаманд Төрийн захиргааны удирдлагын газрын дарга
• 2017-2019 онд Боловсрол, соёл, шинжлэх ухаан, спортын яаманд Хуулийн хэлтсийн дарга

Одоо эрхэлж буй ажил, албан тушаал

2019 оны 12 дугаар сарын 31-ний өдрөөс Боловсрол, cоёл,  шинжлэх ухаан, спортын яамны Төрийн нарийн бичгийн даргын албан үүргийг түр орлон гүйцэтгэгч бөгөөд Хуулийн хэлтсийн даргаар томилогдон ажиллаж байна.

 

 

БСШУСЯ-ны Төрийн нарийн бичгийн дарга Б.Баярсайханыг өнгөрсөн арванхоёрдугаар сарын сүүлчээр Засгийн газрын хуралдаанаараа үүрэгт ажлаас нь чөлөөлсөн байгаа билээ.