Гаднаас 12 сая ам.долларын зээл авч, 5000 айлд шөнийн дулаан хуримтлуулах халаалтын хэрэгсэл суурилуулна

“Улаанбаатар хотын цэвэр агаар төсөл”-ийн нэмэлт санхүүжилттэй холбоотой хуулийн төслийг УИХ-д өргөн мэдүүлэхээр болжээ. УИХ баталсан тохиолдолд халаалтын зуухнуудыг буулган төвлөрсөн дулаанд холбох, Нийслэлийн мэргэжлийн хяналтын газарт тоног төхөөрөмж, багаж хэрэгсэл авах, 5000 айлд шөнийн дулаан хуримтлуур бүхий халаалтын хэрэгсэл суурилуулах, 200 орчим айлын дунд Дэд бүтцийн төв байгуулах зэрэгт зарцуулах юм. Харин үүний санхүүжилт болох 12 сая ам.долларын хөнгөлөлттэй зээлийг Олон улсын хөгжлийн ассоциацаас авахаар тохиролцсон байна.