УИХ-ын гишүүн Ж.Батзандан, Л.Болд нар чуулганы дэгийг зөрчлөө

УИХ-ын чуулганы хуралдаанаар яг одоо иргэний тэтгэвэр барьцаалсан зээлийг нэг удаа төрөөс тэглэх тухай хуулийн төслийн эцсийн хэлэлцүүлгийг хийж байна. Хуулийн төслийн танилцуулга дууссаны дараа УИХ-ын гишүүд Ж.Батзандан, Л.Болд нар чуулганы дэгийг зөрчиж, урьдчилж сануулалгүйгээр үг хэлж, УИХ-ын даргад шаардлага хүргүүллээ. Энэ талаар Ж.Батзандан гишүүн хэлэхдээ "Өнөөдөр Сүхбаатарын талбай дээр зохион байгуулсан жагсаалд оролцож, гарын үсэг зурсан ахмадуудын шаардлагыг УИХ-ын дарга болон Төрийн гурван өндөрлөгт хүргүүлж байна. Тэд баялгийн тэгш хуваарилалтыг шаардаж байгааг албан ёсоор дуулгая" гэв.

Харин УИХ-ын дарга чуулганы дэгийг зөрчиж дураараа загниж болохгүйг анхааруулсан юм.