Угаарын хийн хордлогоор өнгөрсөн шөнө нэмэгдэж эмнэлэгт хэвтсэн хүн байхгүй байна

Угаарын хийнд хордсон гэх дуудлагаар өнгөрсөн шөнө шинээр эмнэлэгт хүн хэвтээгүй байна. Тодруулбал өчигдрийн байдлаар буюу аравдугаар сарын 10-ны өдрийн 06:00-15:00 цагийн байдлаар угаарын хийнд хордсон гэх дуудлагаар таван өрхийн 11 иргэн (дөрвөн хүүхэд, долоон том хүн) эмнэлэгт хандаж, үүнээс гурван иргэн эмнэлэгт хэвтэн эмчлүүлж байсан. Тэгвэл аравдугаар сарын 10-ны 21 цагаас 11-ний 06 цагийн байдлаар 6 өрхийн 15 хүн тусламж үйлчилгээ авсан, үүнээс 8 насанд хүрэгч, 7 хүүхэд байна. ЭХЭМҮТөвд 2 хүүхэд хүргэгдэж эмчилгээ хийлгэж зөвлөгөө авч буцсан аж. Гэрээр нийт 13 хүнд зөвлөгөө өгч үлдээсэн бол эмнэлэгт нэмж шинээр хэвтсэн хүн байхгүй байна.