НӨАТ-ын сугалгаагаар 20 сая төгрөгийн нэг, гурван сая төгрөгийн 3 азтан тодорчээ

Өчигдөр НӨАТ-ын урамшууллын сугалааны тохирол орон даяар явагдлаа. Энэ удаагийн тохиролд 2021 оны арваннэгдүгээр сарын 01-нээс 30-ны өдрийн хооронд худалдан авалт хийж, төлбөрийн баримтын цахим системд бүртгүүлсэн 33,697,051 баримт хамрагдсан байна. Тохиролд, 20 сая төгрөгийн 1, гурван сая төгрөгийн 3, 1,5 сая төгрөгийн 33, 500 мянган төгрөгийн 290, 100 мянган төгрөгийн 3081, 30 мянган төгрөгийн 30260 баримт тохиролд таарч азтан болжээ.