Маргааш орой НӨАТ-ын сугалааны тохирол явагдана

Нэмэгдсэн өртгийн албан татварын урамшууллын сугалааны тохирлын нэвтрүүлэг маргааш орой 19.00 цагаас Боловсрол телевизээр орон даяар шууд цацагдана. Энэ удаагийн тохирлын супер хонжвор 20 сая төгрөг байна. 

Сугалааны хонжворын дүн: Сүүлээсээ гурван орон таарвал 30 мянган төгрөг, 4 орон таарвал 100 мянган төгрөг, 5 орон таарвал 500 мянган төгрөг, 6 орон таарвал нэг сая таван зуун мянган төгрөг, 7 орон таарвал гурван сая төгрөг, 8 орон таарвал 20 сая төгрөг хожно.

Иргэд 2021 оны есдүгээр сарын 1-30-ны өдөр хүртэлх хугацаанд худалдан авалт хийсэн цахим төлбөрийн баримтаа 2021 оны аравдугаар сарын 23-ны өдрийн 23.59 цагаас өмнө цахим төлбөрийн баримтын системд бүртгүүлснээр НӨАТ-ын урамшууллын сугалаанд хамрагдан азтан болох боломжтой. Энэ удаагийн тохирлын супер шагнал 20 сая төгрөг байна гэж Татварын ерөнхий газраас мэдээллээ.