Нийслэл рүү 4 тонн түүхий нүүрс нэвтрүүлэхээр завджээ

Засгийн газрын 62 дугаар тогтоолын хүрээнд нийслэлд түүхий нүүрс түлэх, түүхий нүүрс оруулахыг хориглосон хэдий ч түүхий нүүрс оруулахыг завдсан зөрчил гарсаар байна. Энэ сарын 24-ний 20.20 минутын орчимд Хан-Уул дүүргийн Өлзийт дэх авто замын шалган бүртгэх товчоогоор нийслэл рүү 4 тонн түүхий нүүрс нэвтрүүлэхээр завдсаныг илрүүлэн саатууллаа. Зөрчил гаргасан иргэд Зил 130 автомашинаар Багануураас нүүрс тээвэрлэх тодорхойлолтоор Налайхаас нүүрс тээвэрлэж явсан аж.

Ашигт малтмал газрын тосны газраас Налайх дүүрэгт нүүрс олборлож байсан аж ахуйн нэгжүүдийн тусгай зөвшөөрлийг цуцалсантай холбоотойгоор Налайхаас нүүрс худалдаалагдахгүй, тээвэрлэлт хийгдэхгүй байгаа юм.  Иймд иргэд, аж ахуйн нэгжийг зөвшөөрөгдсөн байршилд түүхий нүүрс нэвтрүүлэхдээ тодорхойлолтод заагдсан газраас нүүрсээ авах, бичиг баримтыг үнэн зөв, бүрэн бүрдүүлж тээвэрлэлт хийхийг зөвлөж байна.

Нийслэл хот руу нэвтрэх автозамын 8 хяналтын цэг дээр мэргэжлийн хяналт, цагдаа, онцгой байдлын албан хаагчид 24 цагаар хяналт тавин ажиллаж байгаа бөгөөд Нийслэлийн Засаг даргын 1118 дугаар захирамжийн дагуу шалгалтаар илрүүлсэн 4 тонн түүхий нүүрсийг Амгалан дулааны станцад шилжүүлээ. Тус станцид энэ оны аравдугаар сарын 01-нээс 12 дугаар сарын 24 хүртэл хугацаанд нийт 108.5 тн түүхий нүүрсийг улсын байцаагчийн актаар хүлээлгэн өгөөд байна.

Засгийн газрын 62 дугаар тогтоолын хүрээнд нийслэлд түүхий нүүрс түлэх, түүхий нүүрс оруулахыг хориглосон хэдий ч түүхий нүүрс оруулахыг завдсан зөрчил гарсаар байна. Энэ сарын 24-ны 20.20 минутын орчимд Хан-Уул дүүргийн Өлзийт дэх авто замын шалган бүртгэх товчоогоор нийслэл рүү 4 тн түүхий нүүрс нэвтрүүлэхээр завдсаныг илрүүлэн саатууллаа. Зөрчил гаргасан иргэд Зил 130 автомашинаар Багануураас нүүрс тээвэрлэх тодорхойлолтоор Налайхаас нүүрс тээвэрлэж явсан аж.