Баянгол дүүргээс эрэгтэй хүний цогцос олджээ

Нийслэлийн Баянгол дүүргийн 7 дугаар хороо, “Усан спорт сургалтын төв”-ийн хойд тал дахь автозамын зорчих хэсгийн хажууд дулааны шугам сүлжээний худгаас хүний цогцос олджээ. Энэ талаарх дуудлагыг Цагдаагийн байгууллага арванхоёрдугаар сарын 23-ны өдрийн 13 цаг 15 минутад хүлээн авсан байна. Ингээд үүний дагуу Нийслэлийн Аврах ангийн 6 алба хаагч, 1 автомашинтай 5 км замыг туулан 13.30 цагт очиж, нэр, нас, харьяалал нь тодорхойгүй эрэгтэй хүний цогцсыг гаргаж, тус дүүргийн цагдаагийн 2 дугаар хэлтсийн мөрдөгч, цагдаагийн дэслэгч Е.Зоригтод шилжүүлэн өгчээ. Яг одоо Цагдаагийн байгууллага хэргийг тогтоохоор ажиллаж байна.

Нийслэлийн Баянгол дүүргийн 7 дугаар хороо, “Усан спорт сургалтын төв”-ийн хойд тал дахь автозамын зорчих хэсгийн хажууд дулааны шугам сүлжээний худгаас хүний цогцос олджээ.