Монголбанк:Койн бол мөнгө биш, мөнгөө оруулсан иргэд залилангийн гэмт хэргийн хохирогч болох эрсдэлтэй

Сүүлийн хэдэн өдөр койнтой холбоотой асуудал нийгэмд олны анхааралд байж нэлээд шуугиан тарилаа. Тэгвэл энэ талаар Монголбанкны Ерөнхийлөгч Б.Лхагвасүрэн криптовалют, койнуудын талаар товч тодруулга өгчээ. 

Тэрбээр, "Kриптовалют, койнууд нь мөнгө биш, албан ёсны төлбөрийн хэрэгсэл бишээс гадна иргэд оруулсан мөнгөө бүгдийг нь алдах эсвэл мөнгө угаалт, залилангийн гэмт хэргийн хохирогч болох ч эрсдэлтэй. Эдгээр нь Монгол Улсын нутаг дэвсгэр дээр төлбөр тооцоонд хуулиар зөвшөөрөгдсөн хэрэгсэл биш, Үндэсний төлбөрийн системийн тухай хуульд тодорхойлсон цахим мөнгөнд хамаарахгүй, зөвшөөрөгдөөгүй зүйл юм. Иймд маш болгоомжтой хандахыг зохицуулагч байгууллагуудын зүгээс удаа дараа анхааруулж байна" гэжээ. 

Kриптовалют, койнууд нь мөнгө биш, албан ёсны төлбөрийн хэрэгсэл бишээс гадна иргэд оруулсан мөнгөө бүгдийг нь алдах эсвэл мөнгө угаалт, залилангийн гэмт хэргийн хохирогч болох ч эрсдэлтэй. Эдгээр нь Монгол Улсын нутаг дэвсгэр дээр төлбөр тооцоонд хуулиар зөвшөөрөгдсөн хэрэгсэл биш, Үндэсний төлбөрийн системийн тухай хуульд тодорхойлсон цахим мөнгөнд хамаарахгүй, зөвшөөрөгдөөгүй зүйл юм. Иймд маш болгоомжтой хандахыг зохицуулагч байгууллагуудын зүгээс удаа дараа анхааруулж байна