Есдүгээр сарын 1-нд танхимаар хичээлээ эхлүүлэх бэлтгэл ажлаа хангаж байна гэв

Боловсрол, шинжлэх ухааны сайд есдүгээр сарын 1-нд танхимаар хичээлээ эхлүүлэхээр бэлтгэл ажлаа хангаж байгаа талаар өнөөдөр хэллээ. 

Тодруулбал сайд Л.Энх-Амгалан ”Сургууль хичээл эхлүүлэх хугацаа хуулийн дагуу явагддаг. Гэхдээ ковидийн нөхцөл байдал сайжрах уу эсвэл муудах уу гэдгийг хэлэхэд хэцүү байна. Өнөөдөр 12-17 насны хүүхдүүдийн 70 орчим хувь нь вакциндаа хамрагдсан байна. ЕБС-ийн багш нарын 80 орчим хувь нь хоёр дахь тундаа хамрагдсан. Намрын хичээлийн жилийг хуулийн хугацаанд нээхийн тулд чармайн ажиллана. Есдүгээр сарын 1-нд хичээлээ эхлүүлэхээр аймаг орон нутаг, сургууль цэцэрлэгийн удирдлагуудад чиглэл өгч бэлтгэл ажлаа хангаж байгаа. Гэхдээ эцсийн шийдвэрийг Засгийн газар гаргана” гэлээ.

Боловсрол, шинжлэх ухааны сайд есдүгээр сарын 1-нд танхимаар хичээлээ эхлүүлэхээр бэлтгэл ажлаа хангаж байгаа талаар өнөөдөр хэллээ.