ОБЕГ-ын дарга, Бригадын генерал Г.Ариунбуянд Хошууч генерал цол хүртээлээ

Монгол Улсын Ерөнхийлөгч Х.Баттулга өнөөдөр 11.40 цагаас Ёслол, хүндэтгэлийн Их танхимд цэргийн дээд цол гардууллаа. Цэргийн дээд генерал цолыг 11 эрхэм хүртэж байна.

Тэдний дунд Онцгой байдлын салбарт олон жил үр бүтээлтэй ажиллаж байгаа удирдлагуудыг шагнажээ. Тодруулбал, Ерөнхийлөгч Х.Баттулгын зарилгаар Онцгой байдлын ерөнхий газрын дарга, Бригадын генерал Г.Ариунбуянд Хошууч генерал цолыг хүртээсэн бол тус газрын дэд дарга Б.Ууганбаярт Бригадын генерал цол олголоо.