Арчилсан нам өнөөдөр Ерөнхийлөгчид нэр дэвшигчдээ тодруулна

Ардчилсан намын 4:11 уулзалт өчигдөр болж, тавдугаар сарын 1-нд болох Монгол Улсын Ерөнxийлөгчид Ардчилсан намаас нэр дэвшигчийг тодруулаx цаxим сонгууль болон Улсын дээд шүүхийн шийдвэрийн талаарх тайлбарын талаар мэдээлэл хийсэн билээ. 

Ерөнхийлөгчийн сонгуульд АН-аас нэр дэвшигчийг тодруулах цахим сонгууль энэ сарын 30 буюу өнөөдрөөс эхлэх юм байна. Нэр дэвшигчдийг бүртгэх ажил өнөөдөр 09 цагаас 15 цаг хүртэл явагдах бөгөөд тавдугаар сарын 1-ны 09 цагаас оройн 22 цаг хүртэл санал хураалт явуухаар тов зарласан байна.

АН-ын дэд дарга Ц.Оюундарь “Одоогийн байдлаар Ардчилсан намаас  Ц.Оюунгэрэл, Р.Амаржаргал нар нэр дэвшихээ илэрхийлээд байгаа бөгөөд олон нийтэд сонгуульд өрсөлдөхөө албан ёсоор зарласан. Гэхдээ өнөөдөр 15:00 цаг гэхэд эцсийн байдлаар нэр дэвшигчдийн нэр тодорхой болно" гэсэн юм. 

Тэгвэл нэр дэвшигчид дараах материалыг бүрдүүлэх аж. Үүнд бүрдүүлэх материалын жагсаалт:

• Нэр дэвшигчийн маягт
• Ажил албан тушаалаас чөлөөлөгдсөн тухай шийдвэрийн хуулбар
• Татварын ерөнхий газрын тодорхойлолт
• Иргэний үнэмлэхийн хуулбар
• Нэр дэвшигчийн намтар
• Төрсний гэрчилгээ
• Хил хамгаалах байгууллагын тодорхойлолт
• Харьяат иргэний газрын лавлагаа
• Ял эдэлж байсан эсэх тодорхойлолт
• Хөрөнгө орлогын мэдүүлгийн урьдчилсан байдлаар бичгээр өгөх
• Зураг 2%
• Иргэний үнэмлэхний хуулбар
• Сонгуулийн зардалд зарцуулсан мөнгөний баримт
• Зээл төлбөртэй эсэх нь тодорхой байх аж.