С.Энхболд:Халдварын бүсэд ажиллаж байсан сувилагч амиа алдлаа, ар гэрийнхэнд нь гүн эмгэнэл илэрхийлье
Улсын нэгдүгээр төв эмнэлэгт халдварын голомтод ажиллаж байсан 42 настай сувилагч Э зургаан давхрын цонхоор унаж амиа алдсан хэрэг өнгөрсөн шөнө гарсан билээ.
Энэ харамсалтай хэрэгт салбарын сайд С.Энхболд эмгэнэл илэрхийлжээ. Тэрбээр "2021 оны 04 дүгээр сарын 28-наас 29-нд шилжих шөнө Улсын нэгдүгээр төв эмнэлэгт халдварын улаан бүсэд ажиллаж байсан сувилагч амь насаа алдлаа. Сувилагчийн ар гэр, төрөл төрөгсөд, хамтран зүтгэгч, эрүүл мэндийн салбарын нийт албан хаагчдадаа гүн эмгэнэл илэрхийлье. Холбогдох хууль хяналтын байгууллага шалтгааныг тодруулахад Эрүүл мэндийн яам, эмнэлгийн удирдлагууд түргэн шуурхай хамтран ажиллах болно.
Эрүүл мэндийн салбарынхан чимээгүй л ажлаа хийж ирсэн ч элдэв янзаар сэтгэл санааны дарамтад өртүүлэх явдал гарч буй учир цаашид ийм үйлдлийг гаргахгүй байцгаая гэж олон нийтийг уриалж байна. "Ковид-19" халдварын амаргүй хүнд нөхцөлд хариуцлагатай ажиллаж буй эмч, эмнэлгийн ажилтнуудаа хаана ч өмгөөлж хамгаална. Нэг эмч, нэг сувилагчийн нэр муугаар хэлэгдэхэд сэтгэл урагддаг эгэл эмч, Эрүүл мэндийн сайдын хувьд салбарынханаа өмөөрөх болно" гэлээ.
Эрүүл мэндийн салбарынхан чимээгүй л ажлаа хийж ирсэн ч элдэв янзаар сэтгэл санааны дарамтад өртүүлэх явдал гарч буй учир цаашид ийм үйлдлийг гаргахгүй байцгаая гэж олон нийтийг уриалж байна. "Ковид-19" халдварын амаргүй хүнд нөхцөлд хариуцлагатай ажиллаж буй эмч, эмнэлгийн ажилтнуудаа хаана ч өмгөөлж хамгаална. Нэг эмч, нэг сувилагчийн нэр муугаар хэлэгдэхэд сэтгэл урагддаг эгэл эмч, Эрүүл мэндийн сайдын хувьд салбарынханаа өмөөрөх болно
