Ерөнхийлөгч чуулганы хуралдаанд хаалттай горимоор мэдээлэл хийнэ

Улсын Их Хурлын намрын ээлжит чуулганы нэгдсэн хуралдаанд Ерөнхийлөгч мэдээлэл хийнэ. Гэхдээ Улсын Их Хурлын Хэвлэл мэдээлэл, олон нийттэй харилцах хэлтсийн мэдээлснээр энэ үеэр хаалттай горимд шилжих гэнэ. Хэлэлцэх асуудлуудын тухайд,

1. Өргөн нэвтрүүлгийн тухай хуулийн төсөл болон хамт өргөн мэдүүлсэн хуулийн төслүүд /эцсийн хэлэлцүүлэг/;
2. Хууль хэрэгжүүлэх зарим арга хэмжээний тухай Улсын Их Хурлын тогтоолын төсөл /анхны хэлэлцүүлэг/;
3. Монгол Улсын 2020 оны төсвийн тухай болон Нийгмийн даатгалын сангийн 2020 оны төсвийн тухай хуульд хэсэгчлэн, хамт батлагдсан Ирээдүйн өв сангийн тухай хуулийг дагаж мөрдөх журмын тухай хуульд нэмэлт, өөрчлөлт оруулах тухай хуульд бүхэлд нь тавьсан Монгол Улсын Ерөнхийлөгчийн хориг;
4. Өмгөөллийн тухай хуульд хэсэгчлэн, хамт баталсан Өмгөөллийн тухай хуулийг дагаж мөрдөх журмын тухай болон Хуульчийн эрх зүйн байдлын тухай хуулийн зарим бүлэг хүчингүй болсонд тооцох тухай хуульд бүхэлд нь тавьсан Монгол Улсын Ерөнхийлөгчийн хориг;
5. Инновацийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн Дээд боловсролын тухай хуульд нэмэлт, өөрчлөлт оруулах тухай хуулийн төсөл /анхны хэлэлцүүлэг/;
6. Монгол Улсын Их Хурлын 2019-2024 оны “Стратегийн төлөвлөгөөг батлах тухай” Улсын Их Хурлын тогтоолын төсөл /Улсын Их Хурлын гишүүн Л.Энх-Амгалан нарын 11 гишүүн өргөн мэдүүлсэн, хэлэлцэх эсэх/;
7. Ази, Номхон далайн худалдааны хэлэлцээрийг соёрхон батлах тухай хуулийн төсөл /Засгийн газар өргөн мэдүүлсэн, соёрхон батлах/;
8. Хот, суурины ус хангамж, ариутгах татуургын ашиглалтын тухай хуульд нэмэлт оруулах тухай хуулийн төсөл /анхны хэлэлцүүлэг/;
9. Далай ашиглах тухай хуулийн шинэчилсэн найруулгын төсөл /Засгийн газар өргөн мэдүүлсэн, хэлэлцэх эсэх/;
10. Санхүүгийн зохицуулах хорооны орон тооны гишүүнийг томилох тухай асуудал;
11. Монгол Улсын Ерөнхийлөгчийн мэдээлэл /Хаалттай/.