Говь-Алтай аймгийн Эрдэнэ сумаас Чандмань сум руу явсан хоёр иргэн осгож нас баржээ

Говь-Алтай аймгийн Чандмань сумын Өлзий багийн Гозгор цахир гэдэг газар энэ сарын 25-ны өдрийн 11:00 цагийн орчим Эрдэнэ сумаас Чандмань сум руу явган явсан хоёр хүн сураггүй болжээ.

Иймээс тус сумын Засаг даргын Тамгын газрын ажилтнууд иргэн 40 настай эрэгтэй, 21 настай эрэгтэй Б нарыг эрэн хайх ажиллагааг зохион байгуулж, өчигдөр өдрийн 10:29 цагт Чандмань сумын 2 дугаар багийн Хүнхэрийн-Ам гэдэг газраас цогцсуудыг олж, тус сумын Цагдаагийн хэсэгт шилжүүлж өгсөн байна. Тэдгээр иргэд осгож нас барсан байдалтай олджээ.