ЭМЯ-наас хөл хориог дахин 7-14 хоног сунгах саналыг УОК-т хүргүүлжээ

Нийслэлд тогтоосон хатуу хөл хорио хоёр хоногийн дараа буюу энэ баасан гарагт дуусгавар болно. Гэвч хоногт бүртгэгдэх халдварын тохиолдол 1000 дээш бүртгэгдэж, нас баралт хоног тутамд бүртгэгдэж байгаа тул энэ тогтоосон хатуу хөл хориог үргэлжлүүлэх нь зөв гэсэн байр суурийг ХӨСҮТ-өөс илэрхийлж буй.

Тодруулбал, хөл хорионы үед халдварын тоо өндөр хэвээр, нас баралт ихсэж байгаа учир хатуу хөл хориог 7-14 хоног сунгах саналыг Эрүүл мэндийн яамнаас гаргаж, саналыг өнөөдөр болох УОК-ын хурлаар хэлэлцэж, Засгийн газарт уламжлах юм байна.